Martxoak 8 Andra Marin

Inauteriak

Aurreko ostiralean inauteriak ospatu genituen Andra Marin. Aurtengo gaia, Espazioa izan da eta ikasle eta irakasleak horren inguruan aukeratu dituzte haien mozorroak. Horrela, astronautak, estralurtarrak, planetak e.a. ikusi ditugu eskolan zehar.

Aurten bizitzen ari garen egoera dela eta, eskola barruan ospatu behar izan ditugu eta ezin izan gara Algortara joan urteroko desfilean parte hartzera. Hala ere, eskola barruan antolatu dugu desfilea eta "Photocall"-a eta oso ondo pasatu dugu.

Hurrengo urtean Algortara bueltatzea espero dugu, herrian zehar desfilatzea oso dibertigarria baita.

* Argazki eta bideo guztiak mailetako Site-etan sartu ditugu. Hauek eskuratzeko, Andra Mariko posta kontuak erabili beharko dituzue.

Agate Deuna

Gaur, otsailak lau, urtero bezala, Agate Deuna ospatu dugu Andra Marin.

Lehenengo zikloko ikasleek eskolako patioan abestu dute Haur Hezkuntzako ikasleen aurrean. Segurtasuna bermatzeko, lehenengo mailako ikasleek lau urtekoen aurrean abestu dute eta bigarren mailakoek, bost urtekoen aurrean.

Bigarren zikloan, hirugarren mailako ikasleek laugarren mailakoen aurrean abestu dute eta hauek Lantegi Batuak duen tailerreraino joan dira haien aurrean abesteko.

Hirugarren zikloan aldiz, Saratxagara joan dira bi txandetan. Lehenengo txandan, bostgarren mailakoek bi urtekoen aurrean abestu dute eta ondoren, seigarren mailakoek hiru urtekoen aurrean.

Eguraldia gure alde izan dugu eta ekintza guztiak modu seguru batean aurrera eramatea ahalbidetu du.